下戰書

手機那首 Aerosmith 嘅 angel 鈴聲突然響起，睇吓來電顯示，原來喺技術主任J 打嚟．寒暄一輪廢話之後，荒人道：「唉，依半年都提唔起勁操吓體能，上次打吓波都老抽．．． 」

技術主任 J 即時話 : 「係呀！ 我就係想問你嚟緊嘅 渣打 仲玩唔玩？ 我話你知啦，阿教統S 同私隱V 今年就一定唔咪我對手架嘞，睇吓你玩唔玩，如果今年你唔玩 10km，我就 join 我啲龍舟隊員玩全馬拉松架嘞！ 你 30 號前通知我啦！」(30/10 前報名費平啲) ．

嘩，言下之意，即係除咗荒人勉強可作他十合之將外，餘子皆不足道也！ 咁即係連碩士J 同「長氣袋」電盈C (大熱門，可惜今年 2 月因病退賽，今屆應會捲土重來) 都唔放在眼內啫！ 何解技術主任J 今年咁目中無人，氣焰凌人？ 無他嘅，玩咗兩年龍舟，又玩埋 gym，下個月將會同社長T 參加 毅行者 (Trailwalker)，唔著衫嗰時成個港男咁款，前排仲話報咗泰拳班遲吓上堂，佢係有資格串嘅！

雖然齋睇往績荒人理應唔使「卸」主任J 嘅，不過荒人久疏練習 (正式嚟講係久無練習)，相反主任J 家陣狀態大勇兼夾來勢洶洶，真係此消彼長．技術主任J 公然叫陣搦戰，已經唔咪第一次．其實主任J 以前都唔咪嘢少架啦，記得有一年 sport day 社際 4*400m，主任J 喺第二捧喥追番哂第一捧落後嘅差距，仲帶離咗跑第二嗰位仁兄一段距離 ( 嗰位仁兄原本接捧時喺第一嘅，如果無記錯，主任J 接捧時應係排第三)，跟住接主任J 嘅第三、四捧隊員就輕鬆帶埋落去仲贏埋添，要知嗰時被主任J 追過嗰隊嘅第三、四捧跑手正係新舊 400m 冠軍，可想而知主任J 嗰捧係贏得幾咁關鍵！

可憐嗰位被主任J「爬頭」嘅仁兄，賽後就梗係被眾人千夫所指啦，所以自此之後，當佢每逢見到主任J，都好似唔咪咁抬得起頭面對主任J 囉．


Aerosmith - Angel　按此 收聽
節目推荐：最緊要{正}字 － 不想像我們曾特首的「身同感受」或陳水扁
的「罄竹難書」那樣鬧得如此尷尬，這個節目一定要收看．