頑童荒人

看見網友 mokit 與梁巔巔大談童年被罰趣事，令我也引不住手痒痒寫寫童年的「輝煌事跡」．事關荒人過往的惡行雖不致罄竹難書卻都「戰績彪炳」，看到這裡眾倌一定以為荒人小時頑劣成性，不學巫術．其實荒人小學時成績也不俗，也當過甚麼班長風紀之類．不過無時無刻總是不能靜下來．

早在幼稚園年代，荒人已經有朵，為「七大天王」之一．小息、放學搭乘褓姆車時經常追追逐逐，集體打架．仲有依稀記得一次同一位同學仔各自啃了一名女仔的臉蛋一口，我都唔記得咗所謂如何，只記得那位女同學之後嚎啕大哭．．．

上到小學，記憶中被罰抄次數不多，不過上數學堂那位數學科老師最喜歡一種玩法．如果有同學上堂時不規距，第一次他會將你那本手冊放在黑板底下，如果那位同學再有什麼行差踏錯的話，他便會將你的罪狀寫在手冊上，然後回家拿給母親簽名．那時我就是口唔停，最喜歡上堂時撩人傾計，所以耐唔耐就會衰係佢手上．那時荒人媽管教甚為嚴厲，有一次我決定鋌而走險，將手冊塗污抹改，結果當然呃唔到人．最後，更要弄致見家長局面，認真大劑．還記得那時母親在課室外見班主任，自己卻在課室內測驗中，那種滋味至今難忘．

記得有一年，時為風紀，在小息當值期間，與鄰班另一個學習柔道的風紀砌磋武藝，過兩招，之後不知誰人通風報信，告密給訓導主任．經此「一戰」，荒人當然給遭革職查辦．在革職之後不知過了多久，荒人給中文科老師 (訓導主任) 召話，告知我鄰座同學懷疑被人偷竊，竟問是否荒人所為！！ 但最離奇是訓導主任卻委派我暗中徹查此事，恢復我風紀一職 (無間道？！)．

四年級再一次被人封為班內「四大天王」之一 ，那時樂壇四大天王亦已成名，當真互相輝映．有一陣子不知為什麼與英文科老師有點交惡，有一次沒有做功課便訛稱忘記攜帶，怎知那英文老師竟即場叫同學搜查荒人書包，第一個係死黨 (另一天王是也)，那位天王尚有義氣，佯裝找不到．之後她竟再叫另一位同學搜 ，卒之周咗出嚟，shxt！ 跟住再問我想記小過定缺點，放學後搵佢傾點樣處分． 雖然嗰陣荒人未讀過三國演義，都識學劉備扮吓可憐，係啱啱新嚟嘅班主任面前流吓眼淚博同情，好彩又過到骨！